Mas paiigtingin pa ng Manila Police District o MPD ang seguridad sa paligid ng University of Sto. Tomas (UST) sa Linggo para sa huling araw ng bar examination.
Ayon kay MPD Spokesman Superintendent Erwin Margarejo, magpapakalat pa sila ng mas maraming pulis sa lugar para tiyakin ang kaligtasan ng mga kumukuha ng pagsusulit.
Paalala pa ni Margarejo, simula 12:01 ng madaling araw ng Linggo hanggang 12:00 ng hating – gabi ay paiiralin pa rin ang liquor ban sa bisinidad ng UST.
Magpapakalat din aniya ng karagdagang traffic enforcers ang Manila Traffic and Parking Bureau upang tumulong sa pagmando ng trapiko lalo na pagdating ng hapon, paglabas ng mga kumuha ng pagsusulit.
