Nilinaw ng Department of Transportation o DOTr na ikinukunsidera pa rin nila ang Sumitomo Corporation bilang maintenance provider ng Metro Rail Transit Line o MRT – 3 system.
Ito, ayon sa DOTr, ay kahit may kinakausap na silang iba pang potential at qualified partners na maaari ding maging maintenance provider ng MRT – 3.
Inihayag din ng kagawaran na hindi pa naman sila inaabisuhan ng Sumitmo na tinanggihan na nito ang alok na maging provider ng maintenance service.
Magugunitang ipinatigil na ng DOTr ang maintenance contract ng Busan Universal Rail Incorporated o BURI noong Nobyembre 6 dahil sa iba’t ibang isyu gaya ng poor performance.
