Ikinatuwa ng grupo ni dating Manila Councilor Greco Belgica ang utos ng Department of Justice o DOJ na imbestigahan ng National Bureau of Investigation (NBI) si dating Pangulong Noynoy Aquino at iba pang opisyal sa isyu PDAF at DAP Scam.
Ayon kay Belgica, nararapat lamang na imbestigahan sina Aquino dahil isang krimen ang ipinatupad nito noon na DAP noong siya pa ang Pangulo ng bansa.
Umaasa din si Belgica na lalabas ang katotohanan at maparusahan ang mga taong sangkot sa DAP.
Nauna nang hiniling sa DOJ noong Setyembre ng grupo ni Belgica na imbestigahan ang posibleng mga pananagutan nina Aquino at ng mga dating opisyal nito sa umano’y maling paggamit ng DAP.
