Magsasagawa ang Bureau of Jail Management and Penology o BJMP ng “continuing education” para sa mga bilanggo sa mga piitan sa buong bansa.
Ayon kay Senior Inspector Xavier Solda, Spokesperson ng BJMP, magbibigay sila ng lectures sa mga inmates kasunod nang nangyaring riot sa Quezon City Jail kung saan dalawa ang namatay.
Ani Solda, malaki ang epekto sa mga inmate ng masisikip na selda kaya kadalasan ay di maiwasang magkaroon ng away.
Maalalang nagsimula ang riot sa natapon na tubig sa isang inmate dahil sa pagmamadaling i-revive ang isa sa mga miyembro ng Bahala na Gang na umano’y binangungot.
—-
