Inihayag ni Migration Expert Emmanuel Geslani, na bumagsak ng mahigit 25% ang labor market ng Pilipinas sa Taiwan.
Ayon kay Geslani, bumaba ng 150,000 mula sa 180,000 ang bilang ng mga OFW na nagtatrabaho sa Taiwan kung saan, dati ay mayroong pinakamataas na bilang ng mga migrant workers sa nasabing bansa.
Nito lamang buwan ng Setyembre, mayroong 690,025 ang nagparehistrong migrant workers sa Taiwan kung saan 241,626 sa mga ito ay mula sa Vietnam; 145,288 naman mula sa Pilipinas at 57,738 ang nagmula sa Thailand.
Hinimok naman ni Geslani ang pamahalaan na agad nang gumawa ng aksyon upang mapigilan ang lalo pang pagsadsad ng labor market ng Pilipinas sa ibang bansa. —sa panulat ni Angelica Doctolero
