Binawasan na ng Department of the Interior and Local Government (DILG) ang bilang ng mga itinalagang contact tracers kung saan mula sa dating 50,000 ay 15,000 na lamang ngayon.
Ayon kay DILG Assistant Secretary Odilon Pasaraba, ito ay dahil sa kakulangan ng budget.
Aniya, humiling na sila ng karagdagang pondo upang makapag-hire ng maraming contact tracers.
Gayunman, sinabi pa ni pasaraba na maglalaan ng dagdag pondo ang Department of Budget and management para sa contact tracing.
Target ng ahensiya na makamit ang 1:10 contact tracing ratio na iniutos ng Department of Health. —sa panulat ni Hyacinth Ludivico
