Itinanggi ng kampo ng Overseas Filipino Worker (OFW) na nahulihan umano ng bala sa Ninoy Aquino International Airport (NAIA), ang incident report na ang ginang umano ang umeksena sa NAIA.
Nakasaad sa incident report na hindi pumayag si Gloria Ortinez na ma-inspeksyon ang bag nito at sa halip ay gumawa pa ng eksena.
Para na rin umano hindi maabala ang pag-screen sa iba pang pasahero, tinawag na lamang ang nakaposteng pulis at imbes na ang security screening officers ang maghanap, ang ginang na rin umano ang kumuha ng item sa bag.
Ayon kay Atty. Spocky Farolan, abogado ni Ortinez, normal lamang ang reaksyon ng ginang na magtaas ng boses at mairita sa nasabing pangyayari.
Nakapagtataka aniyang pabago bago ng istorya ang kabilang kampo.
Samantala, sinabi ni Farolan na balak nilang isailalim sa psychological at emotional tests si Ortinez dahil sa epekto rito ng naturang pangyayari.
By Judith Larino
