Nagpaalala ang Department of Health sa publiko lalo na iyong mga magtutungo sa sementeryo na mag-ingat sa mga sakit ngayong Undas.
Ito’y ayon sa nagbabalik na Secretary Francisco Duque III ay dahil sa nararanasang masamang panahon dulot ng mga weather disturbance tulad ng LPA o Low Pressure Area gayundin ng ITCZ o Intertropical Convergence Zone at tail end of the cold front.
Kasunod nito, pinayuhan din ni Duque ang publiko na maging maingat sa paghahanda ng pagkaing babaunin sa pagpunta sa mga sementeryo at tiyaking malinis at maayos ang kanilang paghahanda nito.
Dapat din aniyang magdala ng gamot ang mga may sakit na tutungo sa mga himlayan upang agad maka-inom sa sandaling umatake ang kanilang sakit.
