Muling ibinabala ng Pangulong Rodrigo Duterte ang sunod na pagpulbos sa NPA o New People’s Army sa sandaling matapos ang krisis sa Marawi City.
Kasunod na rin ito nang muling pagbisita ng Pangulo sa tropa ng pamahalaan na lumalaban sa Maute group sa Marawi City.
Sinabi ng Pangulo na nais muna niyang makapag-bakasyon at makapag-pahinga ang mga sundalo kapag natapos na ang sagupaan sa Marawi City na ngayon ay nasa final stage na.
Samantala, nagpadala na ng drone ang Amerika sa Mindanao.
Ang nasabing drone, ayon sa US embassy ay dagdag na surveillance bilang suporta sa anti-terrorism campaign ng Pilipinas.
Ipinabatid ng US embassy na ang Gray Eagle Unmanned Aircraft Systems ay mayroong mas mahabang flight duration para sa mas malawak na reconnaissance at surveillance areas.
______
