Itinanggi ni dating Congressman Jacinto ‘Jing’ Paras na siya ang Cong. Jing na umano’y ka-text ni Justice Secretary Vitaliano Aguirre kaugnay sa kaso ni Kian Loyd Delos Santos.
Sinabi sa DWIZ ni Paras na halos wala na rin siyang matandaang text messages ni Aguirre dahil nagbura na siya ng mga mensahe sa kaniya sa telepono.
Gayunman, binalikan ni Paras si Senador Risa Hontiveros na ginagamit ang immunity nito sa pagbubunyag ng kung ano-ano.
Ang senadora aniya ang dapat mag-resign at hindi si Aguirre dahil ito ang lumalabag sa batas.
’Yung iprinisinta niyang mga text messages ‘daw’ na galing kay, na sinabi ni Aguirre, eh, violation ng Anti – Wiretapping Law.
Hindi mo pwedeng ita-tap ‘yung private conversation at dahil kasi may immunity siya, she is free to violate the law.
Pangalawa, she should also resign because she is the one under mining the justice system.
May obstruction of justice.
Hinamon pa ni Paras si Hontiveros na harapin siya at kumawala sa immunity nito at mag-debate sila sa isyu ng kung sino talaga ang lumalabag sa batas.
Nire-request na siya ng PAO na i-surrender niya kasi gagamitin ng PAO para i-prosecute, iimbestiga ‘yung murder case kay Kian, ayaw niyang i-turn over, ginagamit niya pamulitika.
Sino ba ngayon ang nagba-violate ng batas, i Secretary Aguirre ba o ‘yung Hontiveros na ‘yan?
Kaya nga I challenge her to go down on her pedestal to shed her immunity being a senator and I will debate with her anywhere, anyway.
_____
