Pinatawan ng Second Division ng Sandiganbayan ng preventive suspension si Sen. Jinggoy Estrada kaugnay ng kasong paglabag sa Section 3(e) ng Republic Act 3019 o Anti-Graft and Corrupt Practices Act.
Sa resolusyon ng Sandiganbayan, iniutos ng korte ang suspension pendente lite o pansamantalang pagsuspinde kay Estrada mula sa kanyang kasalukuyang posisyon bilang senador at sa anumang iba pang pampublikong posisyon na maaari niyang hawakan sa kasalukuyan o sa hinaharap.
Ayon sa Sandiganbayan, mananatili ang suspensyon sa loob ng siyamnapung araw mula sa pagtanggap ng resolusyon at magiging epektibo sa oras na maging pinal at may bisa ang naturang kautusan.
Ang kaso ay may kaugnayan sa alegadong iregularidad sa flood control projects na nagresulta sa pagsasampa ng kasong graft laban sa senador. | via Jenn Patrolla (Patrol 38)
