Pinabubura ni Magdalo Partylist Representative Gary Alejano ang mga taga-gobyerno sa sakop ng Bank Secrecy Law.
Sa gitna na rin ito nang palitan ng akusasyon ng mga umano’y milyun-milyong bank deposits nina Pangulong Rodrigo Duterte at Senador Antonio Trillanes IV.
Batay sa kaniyang House Bill 31355, dapat alisin sa sakop ng nasabing batas ang mga halal at itinalagang opisyal ng gobyerno bukod pa sa mga sundalo, pulis, mga opisyal at kawani ng government owned and controlled corporations.
Sinabi ni Alejano na kapag naalis na sa coverage ng Bank Secrecy Law ang mga taga-gobyerno, magiging madali na ang pagsilip sa mga deposito ng mga nasa gobyerno lalo na mga isyu ng katiwalian.
_____
