Pagaaralan pa ng Department of Social Welfare and Development o DSWD ang panukalang donasyong manok na ipapamahagi sa mga internally displaced families sa Marawi City.
Kasunod ng pahayag ni Agriculture Secretary Manny Piñol na i-donate na lamang ang mga manok mula Central Luzon ang hindi apektado ng bird flu.
Ayon kay DSWD Officer-In-Charge Emmanuel Leyco, pag-aaralan pa ng kanyang kagawaran ang panukala.
Sa ngayon aniya, ay wala pa siyang natatanggap na impormasyon kaugnay ng donasyon. Giit ni Leyco, sakali man matuloy ay kokonsultahin nila ang Department of Health o DOH.
Aniya, ibabase nila ang kanilang aksyon sa rekomendasyon ng DOH.
By Meann Tanbio
SMW: RPE
