Pormal nang binuksan ng Malacañang ang pinto nito para sa mga social media users at bloggers para i-cover si Pangulong Rodrigo Duterte.
Ito ay sa pamamagitan ng Department Order Number 15 na ipinalabas ni Presidential Communications Operations Office Secretary Martin Andanar na nilagdaan noong Agosto 8.
Nakasaad sa interim guidelines na sinumang Filipino na may edad 18 pataas at may higit na 5,000 followers sa anumang social media platform ay puwede nang bigyan ng accreditation para i-cover ang Pangulo.
Pangungunahan ni Assistant Secretary Mocha Uson ang bagong buong social media office ng PCOO na siyang mangangasiwa sa accreditation.
Sasailalim muna sa anim na buwang testing ang pagpapasok ng mga blogger bago pagdesisyunan ng PCOO kung gagawin na itong permanente sa Malacañang.
By Rianne Briones
