Dagsa na ang mga bumibili ng bulaklak sa Farmers Market sa Cubao, Quezon City ngayong Valentine’s Day sa kabila ng pagdoble sa presyo ng mga bulaklak.
Batay sa monitoring ng DWIZ, naglalaro sa P70.00 hanggang P100.00 ang kada piraso ng rosas mula sa dating P25.00 hanggang P30.00 kada piraso.
Nasa P200.00 naman ang presyo ng iba pang bulaklak tulad ng Ecuadorian rose at Malaysian mums sa kada kalahating bundle.
Nasa P120.00 naman ang presyo ng tulips sa kada piraso, P150.00 naman ang stargazer sa kada piraso habang ang sunflower ay nasa P100.00 kada piraso.
Umaasa naman ang mga nagtitinda ng bulaklak na makababawi na sila ngayong taon matapos ang ilang buwang pagkalugi dahil sa pandemic.
