Tahimik si Senador Antonio Trillanes IV sa malaking isyu na kinakaharap ng mga dating kasamahan niya sa Magdalo Group sa pangunguna ni Customs Commissioner Nicanor Faeldon.
Masyado pang premature, ayon kay Trillanes kung magbibigay siya ng komento hinggil sa nakalusot na mahigit 6 na Bilyong Pisong halaga ng iligal na droga mula sa bodega ng Customs.
Sinabi ni Trillanes na kapag complete picture na ang mga nakalap niyang impormasyon, saka na siya magbibigay ng komento sa pagkakalusot ng 600 kilo ng Shabu sa Customs na kalaunan ay nakumpiska sa isang warehouse sa Valenzuela City.
