Dumating na sa Metro Manila ang magkapatid na sina Ozamiz City Vice Mayor Nova Princess Parojinog-Echavez at Reynaldo Parojinog Jr.
Dakong alas-8:50 ng umaga nang lumapag ang eroplano ng Philippine Airlines sakay ang magkapatid na Parojinog sa NAIA Terminal 3.
Agad namang isinakay sa coaster ng PNP ang dalawa at dinala sa Kampo Krame para sumailalim sa inquest proceedings.
Inaasahang ihaharap din ang magkapatid sa Quezon City Regional Trial Court na siyang nagpalabas ng search warrant laban sa mga Parojinog sa kasong illegal possession of firearms.
Ang magkapatid ay naaresto sa isinagawang raid sa kanilang tahanan na nagresulta naman sa pagkakapatay sa kanilang mga magulang na sina Susan at Ozamiz City Mayor Reynaldo Parojinog Sr., kasama ang 13 iba pa.
By Krista de Dios | Report and Photo by: Raoul Esperas (Patrol 45)
