Dumistansya ang Malacañang sa bangayan nina House Speaker Pantaleon Alvarez at Davao del Norte Representative Antonio Floirendo Jr.
Ayon kay Presidential Spokesman Ernesto Abella, personal ang away sa pagitan ng dalawang mambabatas kayat hindi aniya ito panghihimasukan ng Palasyo.
Payo ni Abella, ayusin nina Alvarez at Floirendo ang kanilang hidwaan sa pamamagitan ng pribadong usapan.
Kaugnay naman sa kasong isinampa ni Alvarez laban kay Floirendo, sinabi ni Abella na ipaubaya na lamang ito sa Ombudsman at hayaang pairalin ang due process.
Matatandaang sinasabing away dahil sa babae ang tunay na pinag-ugatan ng sigalot sa pagitan ng dalawang kongresista.
By Ralph Obina
