Nahaharap sa panibagong kasong libelo ang columnist at radio host na si Jobert Sucaldito.
Ito’y makaraang akusahan daw ni Sucaldito si Erik Santos na bakla at nasangkot pa sa ilang ‘lewd acts.’
Sa kanyang reklamo sa Quezon City Regional Trial Court, binigyang diin ni Santos na siniraan siya ni sucaldito nang maraming beses sa kanyang mga post sa Facebook kamakailan.
Maging si Erickson Raymundo na siyang may-ari ng talent agency na siyang nagma-manage kay Santos ay naghain din ng libel case laban kay Sucaldito.
Dahil dito, umabot sa apat na pu’t tatlo (43) ang bilang ng mga kasong cyber libel na kinakaharap ni Sucaldito kung saan humihingi sina Santos at Raymundo ng danyos na nagkakahalaga ng dalawampu’t apat (24) na milyong piso.
By Jelbert Perdez
Photo: Screengrab from eriksantos / Instagram
