Apat (4) katao ang patay kabilang ang isang pulis habang dalawampu (20) ang sugatan sa nangyaring terroristic attack malapit sa House of Parliament sa London.
Batay sa imbestigasyon, inararo ng isang kotse ang mga tao sa bahagi ng Westminster Bridge bago ito bumangga sa gate ng Parliament House at pagsasaksakin ang isang pulis.
Napatay naman ang salarin matapos mahuli ng mga pulis sa patyo na bahagi ng Parliament House.
Dahil sa nangyari, agad na isinara ang House of Parliament kung saan nanatili pansamantala ang mga British lawmakers sa loob ng Kamara.
Isinara rin ang malaking bahagi ng Central London at mga gates ng Buckingham Palace.
Patuloy naman ang pagsasagawa ng full counter terrorism investigation ng mga london officials.
By Krista de Dios
