Kinontra ng Malacañang si Senadora Leila de Lima sa paniniwala niyang walang hurisdiksiyon ang Muntinlupa Regional Trial Court sa mga kasong isinampa laban sa kanya.
Nilinaw ni Chief Presidential Legal Counsel Attorney Salvador Panelo na, alinsunod sa Republic Act 9165 o Comprehensive Dangerous Drugs Act of 2002, may hurisdiksiyon ang mga regional trial court sa lahat ng kasong may kinalaman sa droga.
Naunang inihayag ni De Lima na sa Ombudsman siya dapat sinampahan ng kaso.
Samantala, sinabi ni Panelo na sinayang ni De Lima ang pagkakataon na depensahan ang sarili dahil hindi siya nagsumite ng kanyang counter affidavit.
By: Avee Devierte / Aileen Taliping
