Inatasan ni Justice Secretary Vitaliano Aguirre ang Provincial Prosecutor Head ng Surigao para mai-airlift patungong Cebu si City Prosecutor Manuel Navarro Tesiorna.
Malubha ang kalagayan ngayon ni Tesiorna dahil sa tinamo nitong tama ng bala sa leeg, dibdib at likod matapos na pagbabarilin sa harap ng kanyang tahanan sa Canlanipa, Surigao City.
Kaugnay nito, naglunsad ng fund raising ang Department of Justice para makatulong sa medical expenses ni Tesiorna.
Inatasan na rin ni Aguirre ang National Bureau of Investigation na magsagawa ng malalimang imbestigasyon kaugnay ng pamamaril kay Tesiorna at alamin kung ano ang motibo sa insidente.
By: Mheann Tanbio / Bert Mozo
