Pinakikiramdaman pa ni Pangulong Noynoy Aquino ang pulso ng publiko hinggil sa kaniyang ilalahad sa bayan o huling State of the Nation Address o SONA nito sa susunod na buwan.
Kaya’t ayon kay Presidential Communications Secretary Sonny Coloma, makaaasa ang publiko na magiging makatotohanan sa buhay ng mga mamamayan ang iuulat sa bayan ng Pangulo.
Ilan sa mga nais ilahad sa publiko ng Pangulo ay ang mga nagawang pagbabago at naibalik na kumpiyansa ng mamamayan na mangarap muli sa isang magandang bukas.
Partikular na inalam ng Pangulo ang estado ng mga nagawa ng administrasyon laban sa kahirapan, kurapsyon, edukasyon at sa pagpapanagot sa mga nagkasala sa bayan.
By Jaymark Dagala
