Hindi muna pauuwiin ang sumukong si Franz Sabalones, ang ikalawang bigtime drug lord sa Visayas at kapatid ni San Fernando, Cebu vice Mayor Falz Sabalones
Ito’y makaraang samahan si Franz ng kaniyang kapatid upang sumuko mismo kay PNP Chief dir/gen. Ronald bato Dela Rosa
Ayon sa PNP chief, pipigain nila si Franz para makakuha ng impormasyon kung paano tumatakbo ang operasyon ng iligal na droga sa Visayas
Dahil may abogadong kasama si Sabalones, sinabi ng PNP chief na isasailalim na nila ito sa inquest proceedings sa criminal investigation and detection group o CIDG
Hahanapan din aniya nila ng arrest warrant si Sabalones lalo’t umamin naman na ito sa kanila na sangkot ito sa iligal na droga
Kaugnay dito, tinatayang aabot sa 200,000 Piso kada linggo ang iniyentrega ng number 2 bigtime drug lord sa Visayas na si Franz Sabalones sa isang police coronel sa Region 7
Ito ang pagbubunyag ni PNP Chief dir/gen. Ronald bato Dela Rosa batay sa kanilang naunang pag-uusap kagabi bago ito sumuko mismo sa kaniya ngayong araw
Gayunman, sinabi sa kaniya ni Sabalones na hindi na nito batid kung nakararating pa sa mga heneral ang kaniyang ibinibigay na pera bilang protection money sa kanilang iligal na operasyon
Kasunod nito, tiniyak ni Dela Rosa na kaniya nang ipinatapon sa ARMM ang lahat ng mga opisyal at tauhan ng pulisya sa Region 7
Dagdag pa ng PNP Chief, dating galamay ni alyas Jaguar si Sabalones at si Peter Co naman na nasa bilibid ang siyang supplier nila ng ipinagbabawal na gamot
By: Jaymark Dagala
