Duda ang Alliance of Labor Unions-Trade Union Congress of the Philippines (ALU-TUCP) na makakakuha pa ng suporta sa kongreso ang Security of Tenure o ‘anti-endo’ bill sakaling muli nilang ihain ang panukala.
Ayon kay Allan Tanjusay, spokesman ng ALU-TUCP, siguradong matindi ang dating ng mensahe ng pag-veto ng Pangulong Rodrigo Duterte sa ‘anti-endo’ bill sa mga mambabatas.
Sinabi ni Tanjusay na inakala nilang isasabatas ng pangulo ang ‘anti-endo’ bill at isasaayos na lamang sa implementing rules and regulations kung anuman ang makita nyang diperensya.
Maaaring gumawa siya ng mga hakbang kung ano iyong kanyang gusting gagawin dito sa SoT (Security of Tenure) dahil as far as we know ay napakaraming resources at mga debate ang nangyare dito sa SoT bill na ito. Alam niyo naman ang proseso na bago dumating sa kanya napag-usapan na ng husto ng mga labor at mga business kasama ang gobyerno,” ani Tanjusay.
Balitang Todong Lakas Interview