Niluluto na ang muling pagtatambal sa pelikula nina TV host-comedian Vice Ganda at aktor na si Coco Martin.
Ito ay matapos ang isinagawang story conference ng dalawang stars kasama ang direktor na si Bb. Joyce Bernal.
Present din sa story conference ang child actors na sina Xymon Ezekiel Pineda na mas kilala sa tawag na ‘Onyok’ sa hit primetime series na ‘Ang Probinsyano’ at maging si McNeal “Aura” Briguela.
Inaasahan na ang pelikula ay mapapabilang sa Metro Manila Film Festival (MMFF) ngayong taon.
Matatandaang noong nakaraang taon ay tumabo sa takilya ang naging tambalan nina Vice at Coco sa MMFF entry na “Beauty and the Bestie.”
Photo: Screengrab from eric john salut/ Instagram
