Pinagmumulta ng Isang Bilyong Piso ang Rizal Commercial Banking Corporation o RCBC dahil sa pagkakasangkot sa pagnanakaw ng 81 Milyong Dolyar na pera ng Bangladesh.
Sa isang pahayag, sinabi ng Bangko Sentral, ito na ang pinakamalaking multang kanilang inaprubahan para sa isang bangkong nasa ilalim ng kanilang pangangasiwa.
Samantala, sinabi ng pamunuan ng RCBC na tatalima ito sa kautusan at babayaran ang nasabing multa.
Giit ni RCBC president and CEO Gil Buenaventura hindi maaapektuhan ng multa ang kapital ng bangko na nananatili aniyang matatag.
By: Avee Devierte
