Pinag-aaralan na ng lungsod ng Maynila ang paglalagay ng bike lanes sa lungsod.
Kasunod ito ng insidente ng pamamaril sa isang siklista dahil sa gitgitan sa kalsada noong nakaraang linggo.
Ayon kay MPD Traffic Enforcement Unit Head Superintendent Olivia Sagaysay, mahalaga ang bike lanes para makabawas sa pgsisikip ng daloy ng trapiko na nagiging dahilan ng pag-init ng ulo ng mga motorista.
Sinabi ni Sagaysay na nakikipag-ugnayan na din sila sa Metropolitan Manila Development Authority (MMDA) at sa mga biker, hinggil sa posibilidad ng paglalagay ng bike lane.
By Katrina Valle | Aya Yupangco (Patrol 5)
