Binuweltahan ni Senador Tito Sotto ang kaniyang mga Basher at kritiko hinggil sa kaniyang naging komento sa Noontime Show na Eat Bulaga kamakailan
Ito’y makaraang batikusin ang Senador dahil sa kaniyang pamamahiya umano sa isang nanalo sa kanilang sugod bahay segment sa Juan for All, All for Juan
Binigyang diin ni Sotto na hindi tama para sa isang babaeng may asawa ang makipag-inuman sa ibang lalaki kahit kaibigan pa niya ito
Nagtataka rin ang Senador kung bakit siya binabatikos gayung naghayag lamang siya ng kaniyang saloobin sa pagkakataong iyon
Malinaw naman aniyang ipinagtatanggol lamang niya ang karapatan ng mga babae upang hindi makaranas ng pang-aabuso mula sa ibang tao
Kaya naman, payo ni Tito Sen sa mga kritiko at bashers, panuorin muna ang nasabing episode bago siya husgahan
By: Jaymark Dagala