Masayang-masaya ang aktres na si Bela Padilla sa pagbabalik nito sa Kapamilya Network.
Ayon kay Bela, pinag-isipan niya ng husto ang hakbang na ito at sa tingin niya ay ito ang makakabuti para sa kanyang showbiz career.
Sinabi ni Bela na nais niya pang mapalawak at mapa-unlad ang kanyang kakayahan bilang isang artista.
Binigyang diin ni Bela na marami siyang gustong gawing proyekto na malayo aniya sa mga nagawa na niya dati.
Matatandaang si Bela na dating kilala bilang Krista Valle ay bahagi ng Star Magic Batch 15 ngunit pagsapit ng 2010 ay pumirma ito ng kontrata sa GMA 7.
By Ralph Obina