Sinimulan na ng Senate Blue Ribbon Committee ang imbestigasyon kaugnay ng pagkakapuslit sa bansa ng 6.4 billion pesos na halaga ng shabu mula China.
Ayon kay Senator Richard Gordon, ang pinuno ng Blue Ribbon Committee, posibleng nagkaroon ng kapabayaan, katiwalian at paglabag sa batas ang mga opisyal at kawani ng BOC o Bureau of Customs.
Aniya, nakapagtatakang hindi naharang sa halip ay nakalusot pa sa BOC ang napakalaking halaga ng shabu.
Samantala, bukas ay nakatakda ring magsagawa ng imbestigasyon ang Dangerous Drugs Committee ng Kamara sa kaparehong usapin.
By Krista de Dios | ulat ni Cely Bueno (Patrol 19)
