Maswerteng nakaligtas ang isang piskal na pinagbabaril sa loob ng kaniyang sasakyan sa Caloocan City.
Kinilala ang piskal na si Elmer Susano na tinambangan sa 9th Avenue corner B. Serrano sa Caloocan.
Batay sa ulat, galing sa isang kainan at sumakay si Susano sa kaniyang puting pick-up truck na nakaparada
Pagkasara ng pinto ng sasakyan ng biktima, dumating ang tatlong (3) hindi pa nakikilalang mga salarin na sakay ng dalawang motorsiklo at dito na siya pinagbabaril.
Nagawa pa rin namang patakbuhin ng piskal ang kaniyang sasakyan at makalayo sa mga salarin.
Patuloy namang iniimbestigahan pa ng mga otoridad ang motibo at kung sino ang nasa likod ng nasabing pananambag sa piskal.
