Itinanggi ng Malacañang na tina-target ng Marcos administration ang ilang miyembro ng majority bloc na sina Senators Jinggoy Estrada, Joel Villanueva, at Rodante Marcoleta.
Ayon kay Palace Press Officer Claire Castro, may mga isyu nang kinakaharap ang ilang miyembro ng mayorya bago pa man mabuo ang 13 miyembro nito.
Matatandaang sinabi ng Ombudsman na nakatakda na silang maghain ng plunder charges laban kina Estrada at Villanueva. Kasabay nito, nakakuha rin ng precautionary hold departure order (PHDO) ang Ombudsman laban kay Marcoleta kaugnay ng reklamong plunder.
Muling iginiit ni Castro na hindi makikialam ang Palasyo sa imbestigasyon laban sa mga nabanggit na senador.
