Mayroon nang bagong hepe ang Philippine Army.
Ito’y sa katauhan ni Major General Joselito Bautista.
Ayon kay Armed Forces of the Philippines (AFP) Public Affairs Office Chief Edgard Arevalo, welcome sa kanila ang pagkakatalaga ni Pangulong Rodrigo Duterte kay Bautista na subok na sa serbisyo.
Papalitan ni Bautista si Lt. Gen. Glorioso Miranda na naupo sa pwesto noong Disyembre taong 2016.
Si Bautista ay kabilang sa PMA “Sandiwa” Class of 1985 at nanilbihan bilang commander ng 104th Brigade sa Basilan at 1st Infantry “Tabak” Division.
Pinakahuli niyang hinawakang pwesto ang pagiging commander ng Joint Task Force Marawi sa kasagsagan ng Marawi siege.
