Inihayag ng Department of Trade and Industry (DTI) na tumaas ang presyo ng mga pangunahing bilihin sa bansa.
Inaprubahan ng DTI ang P0.25 centavos hanggang P1.50 centavos na dagdag presyo sa kada item ng ilang mga brand kabilang na dito ang sardinas, karneng de-lata, gatas, instant noodles, asin, detergent soap, sabong pampaligo, at kape.
Ayon kay DTI Undersecretary Atty. Ruth Castelo, pinag-aaralan pa ng kanilang ahensya ang iba pang produkto na nagtaas sa gitna ng pandemya.
Nilinaw naman ni Castelo na dumaan sa matinding pagsusuri o pag-aaral ang mga produktong inaprubahan sa pagtaas ng presyo.
Iginiit ni Castelo na kung pipigilan ang pagtaas ng presyo ng isang produkto, maaring makapagbigay ng negatibong epekto sa mga manufacturer kung tuluyang magsasara ang mga negosyo.
