Binigyan ng limang araw ng Korte Suprema ang ABS-CBN Corporation para makapagsumite ng komento hinggil sa inihaing urgent motion ni Solicitor General Jose Calida.
Ito ay may kaugnayan sa hininging gag order ni Calida laban sa ABS-CBN Corporation dahil sa umano’y paglabag sa sub judice rule.
Ayon kay Supreme Court Spokesperson Brian Keith Hosaka, hindi na maaari pang i-extend o palawigin pa ang panahong ibinigay ng en banc sa ABS-CBN para makapagkomento.
Dagdag ni Hosaka, bahagi ito ng due process kung saan binibigyan ng pagkakataon ng Supreme Court en banc ang network para madinig ang panig nito sa petisyon.
The motion has basically asking the Supreme Court for the issuance of an order prohibiting both parties from engaging media and from issuing statements relative to the merits of the case. In accordance with the due process requirement of the law, the Supreme Court has ordered the respondents ABS-CBN Corporation and ABS-CBN Convergence Inc. to find the respective comments to the motion filed to the office of the Solicitor General within none extendable period of 5 days, ” ani Hosaka. — ulat mula kay Bert Mozo (Patrol 3)
