Mabibigay ang China ng 22 milyong dolyar na halaga ng mga armas at bala para sa AFP o Armed Forces of the Philippines.
Ayon kay AFP Public Affairs Office Chief Colonel Edgard Arevalo, kabibilangan ito ng 3,000 na M4 rifles, tatlong milyong mga bala at tatlumpong sniper scope.
Malaking tulong aniya ito sa mga operasyon ng militar kabilang na ang Marawi.
Mismong si Chinese Ambassador to the Philippines Zhao Jianhua ang mag-aabot ng donasyon kina Defense Secretary Delfin Lorenzana at AFP Chief of Staff General Eduardo Año sa Camp Aguinaldo, ngayong Huwebes, Oktubre 5.
Ito na ang ikalawang batch na donasyon ng mga armas ng China sa Pililinas.
Matatandaang nitong Hunyo lamang ay nagbigay din ang China ng 3,000 na rifles at anim na milyong mga bala, na personal pang tinanggap ni Pangulong Rodrigo Duterte.