Malaki ang posibilidad na maapektuhan ang ipinapadala ng mga Overseas Filipino Workers (OFW’s) kasunod ng tensyon sa pagitan ng Saudi Arabia at Iran.
Ayon sa grupong Kabalikat ng Migranteng Pilipino, asahan na ang pagbaba ng mga ipinapadalang remittance sa susunod na isa hanggang tatlong buwan.
Sa kabila nito kumpiyansa ang grupo na agad din itong makakabawi at magbabalik sa normal na sitwasyon kapag na resolba ang tensyon.
Payo naman ni John Bertiz ng Philippine Recruitment Agencies Acccredited Saudi Arabia, mahalaga pa ring magtipid sa ganitong panahon.
Mabuti na aniyang makapagtabi para may madukot sakaling mawalan ng trabaho kapag tuluyang lumala ang sitwasyon sa Middle East.
By Rianne Briones
