Dapat na sumuko ang mga miyembro ng CPP NPA NDF na pansamantalang pinalaya para lang makasama sa usapang pangkapayapaan.
Ayon kay Secretary of Justice Vitaliano Aguirre, kung wala ng peace talks, wala na ring dahilan ang temporary liberty na ipinagkaloob sa mga lider ng makakaliwang grupo.
Marapat lang aniyang harapin ng mga ito ang kanilang mga nakabinbing kaso sa korte.
Sinabi ni Aguirre na gaya ng pagpapakita ng good faith ni Pangulong Duterte nang pansamantalang pinalaya ang mga komunistang lider, dapat ding bigyang-halaga ng National Democratic Front ang mga isinakripisyo ng Pangulo.
Samantala, nasa bansa na umano simula pa noong January 31 ang may 17 CPP NPA NDF consultant na kasama sa usapang pangkapayapaan.
By: Avee Devierte / Bert Mozo