Nilinaw ng Department of Foreign Affairs (DFA) na walang umiiral na travel ban sa mga hindi pa nababakunahan kontra COVID-19 na OFW na patungo sa Saudi Arabia.
Ayon kay DFA undersecretary for civilian security and consular concerns Brigido Gulay, kailangan lang sumailalim sa RT-PCR test sa ika-pitong araw mula sa pagdating ng mga OFW na hindi nabakunahan ng COVID-19 vaccine na otorisado ng Saudi Arabia.
Obligado ring sumailalim ang mga OFW sa pitong araw na institutional quarantine pagdating naman sa Saudi.