Sumampa na sa 30,010 ang kabuuang bilang ng mga tinamaan ng COVID-19 sa hanay ng Philippine National Police o PNP matapos makapagtala ng 68 na bagong kaso.
Patuloy namang bumababa ang bilang ng aktibong kaso na nasa 917.
Samantala, 275 naman ang bilang ng mga bagong gumaling sa virus na siyang dahilan kaya’t umabot na sa 29,012 ang total recoveries.
Sa kaparehong case bulletin na inalabas ng PNP health service, naitala ang isang bagong nasawing pulis dahil sa COVID-19 kaya’t nasa 81 na ang kabuuang bilang nito.— ulat mula kay Jaymark Dagala (Patrol 9)