Pag-uusapan ng mga opisyal ng Land Transportation Franchising and Regulatory Board (LTFRB) kung maaaring ibalik muli bilang tagapagsalita ng ahensiya si Atty. Aileen lizada.
Ito ang naging sagot ni LTFRB Chairman Martin Delgra matapos na ipinawagan ni Senate committee on public services chairman Grace Poe ang pagbalik kay Lizada bilang LTFRB spokesperson.
Binigyang diin kasi ni Poe na noong tagapagsalita pa ng LTFRB si Lizada, lagi silang nabibigyan ng update hinggil sa mga pinalalabas na mga polisiya ng tanggapan at maging sa mga isyung may kaugnayan sa transportasyon.
Samantala, ilang transport group naman ang nagsabing mas gusto nilang gawing chairman ng LTFRB si Lizada dahil mas nakakausap at nakapagpapaabot sila ng mga hinaing dito.
