Namahagi ang Department of Agrarian Reform ng vitamins at gamot sa 700 magsasaka katuwang ang Department of Health (DOH) sa Coron, Palawan.
Ilan sa mga ipinamahaging gamot ng DAR ay mga kahon ng Vitamin C, Multivitamins, Mefenamic Acid, Amoxicillin, Amlodipine, at Losartan.
Sinabi ng kagawaran, ang pagbibigay ng mga gamot at bitamina ay ipinatupad sa ilalim ng medical mission project ng foreign-assisted projects office ng ahensya, at bilang paghahanda sa panahon ng tag-ulan.
Ipinabatid pa ni DAR Undersecretary Bernie Cruz, na ang ipinamahagi na mga bitamina, gamot, at libreng-medikal na konsultasyon ay gagawin din sa iba’t ibang bahagi ng bansa sa mga susunod na buwan.
