Nahuli na ng PNP ang isa sa mga suspek sa brutal na pagpatay noong nakaraang linggo sa apat na pulis sa Negros Oriental.
Kinilala ni Negros Oriental Provincial Police Office Director Police Colonel Raul Tacaca ang suspek na si Victoriano Bangala Anadon Jr.
Ayon kay Col. Tacaca, ang suspek ay kinasuhan na nila ng apat na counts ng murder at theft sa provincial prosecutors office.
Kabilang din sa mga kinasuhan ang mga pinaghahanap pang kasamahan ng suspek na sina Rengie Anadon Baluhabo, Gelie Anadon Ebedo, Joseph Torres Ogates , Jelly Anadon Ebedo at ilan pang mga John Does.
Una rito, nag-alok ng P1-M pabuya si Pangulong Rodrigo Duterte sa ikadarakip ng NPA rebels na mismong pumatay sa apat na pulis at P50,000 para sa bawat miyembro ng NPA na sangkot sa brutal na krimen.
with report from Jaymark Dagala (Patrol 9)
