Suportado ng Globe Telecom at Philippine Long Distance Telephone Company ang panawagan para sa mas mabilis na internet services.
Ito’y matapos ang babala ni incoming president Rodrigo Duterte na papayagan nito ang mga dayuhan na mag-invest sa bansa kung hindi aayusin ng mga nabanggit na telco ang kanilang serbisyo.
Ayon kay Yoly Crisanto, senior vice president for corporate communications ng Globe, sa katunayan ay isinasa-ayos na nila ang mga kailangang imprastraktura para sa mas mabilis na accessibility.
Inihayag naman ni PLDT spokesman Ramon Isberto na nasa kalagitnaan na sila ng major 3-year network investment program upang mapabilis ang kanilang internet services.
Kabilang ang Pilipinas sa mga may pinaka-mabagal at pinaka-mahal na internet connection sa mundo.
By: Drew Nacino
