Nilinaw ni dating Western Visayas Police Regional Director Chief Superintendent Bernardo Diaz na kailanma’y hindi siya nasangkot sa illegal drugs.
Ipinagdiinan ni Diaz na galit siya sa iligal na droga dahil ilang kaanak niya ang napahamak na dahil sa nasabing bisyo.
Ayon kay Diaz, masama ang kanyang loob sa pagkakasama ng kanyang pangalan sa mga sinasabing opisyal ng PNP na sangkot sa bawal na gamot.
Ngunit handa, aniya, siyang makipag-usap kay PNP Chief Ronald Dela Rosa upang linawin ang isyu.
Paglilinaw ni Diaz, hindi siya na-assign sa Davao region tulad ng naging pahayag ni Pangulong Rodrigo Duterte nang isapubliko nito ang kanyang pangalan kabilang ang 4 na iba pang heneral.
By: Avee Devierte
