Binasahan na ng sakdal sa Sandiganbayan si dating Maguindanao Officer-in-Charge (OIC) Datu Sajjid Islam Ampatuan.
Binigyang diin ni Ampatuan na wala syang kinalaman sa tatlumput anim (36) na kaso ng korapsyon na inihain laban sa kanya.
Si Ampatuan ay sinampahan ng kaso dahil sa ‘di umano’y pagbayad ng mahigit sa labing anim (16) na milyong piso sa food supplier na Henry Merchandising para sa ‘di umano’y ghost food supply.
Ang tatlumput anim (36) na kaso ay binubuo ng isang kaso ng paglabag sa anti-graft and corrupt practices act, isang kaso ng malversation at tatlumput apat (34) na kaso ng pamemeke ng mga dokumento.
Nakatakda ring basahan ng sakdal sa ika-6 na dibisyon ng Sandiganbayan si Ampatuan para naman sa isandaan at apatnaput limang (145) kaso ng ‘di umano’y kuwestyunableng paggamit ng mahigit sa pitumput dalawang milyong piso (P72-M) para sa repair ng school buildings.
By Len Aguirre | With Report from Jill Resontoc