Nangako ang COVAX facility na papalitan ang lahat ng nasira at masisira pa lamang na bakuna kontra COVID-19 sa Pilipinas.
Ito ang kinumpirma ni Department of Health Officer-In-Charge Maria Rosario Vergire matapos umabot sa P5.1 Billion na bakunang binili ng pribadong sektor, ang nasayang dahil sa kaunting bilang ng nagpabakuna.
Kasama rin aniya sa papalitan ang mga bakunang binili ng mga lokal na pamahalaan.
Papalitan ang mga napanis o mapapanis pa lamang ng bakuna sa oras na magkulang na ang vaccine na naka-imbak sa mga warehouses sa bansa.
