Tiwala ang House of Representatives na gagawin ng mga senator-judges ang kanilang mga tungkulin sa impeachment trial ni Vice President Sara Duterte.
Kasunod ito ng ilang komento mula mismo sa mga senator-judges kaugnay sa ibinabatong kaso laban sa Pangalawang Pangulo.
Iginigiit ng tagapagsalita ng Kamara na si Atty. Princess Abante na seryosong usapin ang impeachment at hindi ito pang pulitika o tungkol sa personalidad kundi para sa ‘accountability’ ng opisyal na nililitis.
Umaasa rin aniya ang Kamara na handa ang panel of prosecutors sa oras na i-presenta na ang ebidensya sa nasabing impeachment trial.
