Napuno ng bubog ang Elliptical Road sa Quezon City kaninang madaling araw.
Ito ay matapos mahulog at mabasag ang daan-daang basyo ng bote mula sa isang 22-wheeler truck.
Ayon sa drayber ng trak, bahagyang tumagilid ang sasakyan kaya napilitan siyang pumreno na nagresulta naman sa pagkahulog ng 30 case ng beer.
Dahil sa aksidente, isinara sa mga motorista ang limang lanes ng Elliptical Road.
Samantala, posible namang kasuhan ng reckless driving ang drayber ng truck.
(Ulat ni Gilbert Perdez)
